28 ноября, в день памяти преподобного Паисия Величковского, митрополит Николаевский и Очаковский Питирим совершил Божественную литургию в кафедральном соборе Рождества Пресвятой Богородицы г. Николаева. После этого архипастырь возглавил акафист Васильевским новомученикам. Правящему архиерею сослужили клирики епархии. Тропарь преподобному Паисию Величковскому, глас 2 Стра́нен быв на земли́, Небе́снаго Оте́чества дости́гл еси́/ преподо́бне о́тче Паи́сие,/ добротолю́бия подви́жниче,/ ве́рных научи́л еси́ ум к Бо́гу возводи́ти/ и се́рдцем к Нему́ взыва́ти:/ Го́споди Иису́се Христе́, Сы́не Бо́жий,// поми́луй мя, гре́шнаго.
Кондак преподобному Паисию Величковскому, глас 8
Избра́нный и́ноческаго жития́ ревни́телю,/ я́ко пчела́ многотру́дная,/ писа́ньми оте́ческими ду́ши на́ша снабди́л еси́,/ коего́ждо наставля́я на путь спасе́ния, сего́ ра́ди зове́м ти:// ра́дуйся, Паи́сие прему́дре, ста́рчества духо́внаго в стране́ на́шей возроди́телю.
Из акафиста Васильевским новомученикам:
Икос 1
От лет древних лицы мученичестии украшение бысть Церкве, и в последняя лета не остави Господь род наш, обаче яви новыя страстотерпцы, иже Бога прославиша и веру утвердиша. Людие же христолюбивии, на подвиги новомучеников взирающе, воспевают: Радуйтеся, свидетели Христовы; радуйтеся, избранницы Божии. Радуйтеся, твердии адаманты веры; радуйтеся, камение драгии диадимы церковныя. Радуйтеся, Церкве красото; радуйтеся, всего мира радование. Радуйтеся, Сергие, Прохоре и Кирилле, мученицы Христовы всехвальнии.
Кондак 2
Видяще дерзость безбожных, Сергий пресвитер ревностию по Бозе возгореся, и даже до смерти Господа возлюбив, жизни своея не пощаде, темже и по смерти, купно со Прохором и Кириллом просвещает умы и сердца верных вопити Господеви: Аллилуиа.